تَالِيٍ 25:1-22

¹سُلٍمَنِ شَ تَالِ ندٍيٍ نَن يَ، يُدَ مَنفّ شٍسٍكِيَ نَشٍيٍ سّبّ؛

²عَلَ قٍيٍ نْشُنمَ، مَنفّيٍ كَتَمَ عٍ قَهَامُدٍ.

³كٌورٍ شَ مَءِتٍيَ نُن بْشِ شَ تِلِنيِ مُ كٌلٌنمَ. مَنفّ سٌندٌن مَ قٍ قَن مُ نْمَ كٌلٌندٍ.

⁴شَ فبٍتِ فبِ بَ، عَ نْمَ قِندِدٍ سٍ تٌقَنيِ رَ.

⁵شَ مِشِ حَاشِ بَ مَنفّ رَبِلِنيِ، عَ شَ مَنفّيَ سَبَتِمَ نّ تِنشِنيِ سَابُي رَ.

⁶عِ نَشَ عِ يّتّ عِفبٌ مَنفّ يَ شْرِ، عِ نَشَ عِ يّتّ قِندِ مِشِ شُنفبٍ رَ.

⁷عَ قِسَ كُنتِفِ نَن شَ عِ شِلِ عِ شَ دْشْ يِرٍ ندٍ، دِنّ عَ شَ عِ رَكٍلِ مِشِ شُنفبٍ ندٍ بّ.

⁸عِ نَ قٍ ندٍ تٌ، عِ نَشَ فبَتَ سِفَقٍ رَ كِيتِ بَنشِ، بَرِ مَ شَ قٍ فبّتّ مِنِمَ عِ مُ نَشَن كٌلٌن، نَ نْمَ عِ رَيَافِدٍ عِ دْشْبٌورٍ يَ شْرِ.

⁹قٍ نَ سٌ وٌ نُن عِ دْشْبٌورٍ تَفِ، عِ نَشَ مِشِ فبّتّ شَ فُندٌ مَكّنّن،

¹⁰شَ نَ مُ عَ رَ مِشِ ندٍ نَ نَ كٌلٌن، عَ عِ رَيَافِمَ نّ، عِ قَ شِلِ كَنّ سْتْ عَبَدَن.

¹¹وْيّنيِ قَلَشِ عَ كِ مَ، عَ تٌقَن عَلْ شّيمَ نُن فبٍتِ.

¹²شَشِلِمَ شَ مَرَ سِ تِدٍ فبٌ شَشِلِ قٍنيِ بّ، عَلْ شُرُندّ نَشَن يَءِلَنشِ شّيمَ قَنيِ رَ.

¹³دُفُتّفّ شّيرَ حْشُن عَ شّيمَ بّ، عَلْ قٌيٍ قَنيِ نَشَن قَمَ وَلِكّيٍ مَ شّ شَبَ تّمُي.

¹⁴مِشِ نَشَن عَ قَلَمَ عَ سٍتَرٍيٍ كِمَ، كْنْ عَ مُ عَ رَبَمَ، نَ كَنيِ لُشِ نّ عَلْ نُشُي نُن قٌيٍ نَشَن مُ قَمَ يٍ رَ.

¹⁵تُننَبّشِيَ عَ نِيَمَ نّ مَنفّ شَ نَتّ مَسَرَ، وْيّن حْشُنمّ سّنبّ فبٌ هَن عَ نْمَ شْرِ رَفِرَدٍ.

¹⁶عِ نَ كُمِ تٌ، نَشَن عِ رَلِمَ، نَ نَن كْن. شَ عَ رَدَنفِ يّ، عِ عَ بْشُنمَ نّ.

¹⁷عِ نَشَ عِ دْشْبٌورٍ شْنيِ سِفَقٍ رَدِفَن، شَ نَ مُ عَ رَ عِ شَ قٍ قَمَ نّ رَحَاشُدٍ عَ مَ.

¹⁸عِ دْشْبٌورٍ تْوحّفّقٍ شْنْ عَلْ سَنتِدّفّمَ شَاحّشِ، عَلْ تَنبّ رَ مٍلُشِ.

¹⁹عِ شَشِلِ تِقٍ يَنقَنتٍ رَ، نَ لُشِ نّ عَلْ حِنيِ كَنَشِ، عَلْ سَنيِ مَبّنشِ.

²⁰مِشِ نَشَن سِفِ سَمَ مِشِ سُننُنشِ يَ شْرِ، نَ مَنِيَ مِشِ رَ نَشَن شِنبٍلِ دُفِ بَمَ قُرٍ مَ مَ شِنبٍلِ تّمُي. عَ شَ سُننُنيِ شُن نَن تُن مَسَمَ عَلْ مِشِ نَ فبّنفبّ سَ قِ يَ عِ.

²¹شَ كَامّ نَ عِ يَشُي مَ، دٌنسٍ سٌ عَ يِ رَ. شَ يٍ شْلِ نَ عَ مَ، يٍ سٌ عَ يِ رَ، عَ شَ عَ مِن.

²²شَ عِ نَ وَلِ مْولِ رَبَ عَ بّ، نَ لُشِ نّ عَلْ عِ بَرَ تّ وٌلٍ دْشْ عَ شُن مَ. عَلَتَلَ نَن عِ فبٍحْشْمَ.