تَالِيٍ 23:2-21

²شَ كَامّ نَ عِ مَ، عِ نَشَ عَ فبٍفبٍ دٌن.

³عِ نَشَ مِلّ نَ دٌنسٍ قَنيِ مَ، بَرِ مَ عَ نْمَ عِ مَدَشُدٍ.

⁴عِ نَشَ عِ يّتّ رَتَفَن نَاقُلِ قٍنقٍ مَ. كْبِرِ شْلِ نَشَ قِندِ عِ شَشِلِ وَشْنقٍ بِرِن نَ.

⁵شَ عِ عِ يَ تِ بَننَيَ رَ، عَ لْيمَ عِ مَ عَلْ سّفّ نَشَن تٍمَ كُيٍ مَ كِ نَشّ، عَ سِفَ.

⁶عِ نَشَ مِشِ حَاشِ شَ تَامِ دٌن، عِ نَشَ مِلَ عَ شَ دٌنسٍ قَنيِ مَ.

⁷نَ مِشِ مْولِ وَ مَ عِ مَدَشُقٍ نّ. عَ عَ قَلَمَ عِ بّ، «عِ دّفٍ، عِ مِن،» كْنْ مَرَقَنيِ يٌ مُ نَ عَ بْحّ كُي عِ بّ.

⁸عِ قَمَ نّ نَ دٌنسٍ بْشُندٍ، عِ شَ وْيّن قَنيِ قِندِ وْيّن قُقَقُ رَ.

⁹عِ نَشَ مَسٍنيِ تِ شَشِلِتَرٍ بّ، بَرِ مَ عَ يٌمَ نّ عِ شَ وْيّن قَنيِ بِرِن مَ.

¹⁰عِ نَشَ نَانِنيِ تْنشُمَ قٌرِ تَلَ. عِ نَشَ سٌ كِرِدِيٍ شَ شّ رَ،

¹¹بَرِ مَ عٍ شُنمَقَلَمَ سّنبّ فبٌ، عَ عٍ فبٍحْشْمَ نّ.

¹²عِ بْحّ رَبِ شَرَنيِ بّ، عِ عِ تُلِ مَتِ مَرَ سِ قَنيِ رَ.

¹³عِ نَشَ تَفَن قٌنِكٍ مَتِنشِندٍ، شُرُ لُشُسِنيِ مُ عَ قَشَمَ.

¹⁴شَ عِ عَ شُرُ لُشُسِنيِ رَ، عِ بَرَ عَ نِي مَكَنتَ.

¹⁵ﭑ مَ دِ، شَ لْننِ قَنيِ لُ عِ بْحّ كُي، سّيوّ بَرَ لُ ﭑ تَن قَن بْحّ كُي.

¹⁶ﭑ بْحّ حّلّشِنمَ نّ عِ شَ وْيّن تِنشِنشِيٍ رَ.

¹⁷عِ نَشَ يُنُبِتْييٍ تْونّ، عِ شَ فَاشُ عَلَتَلَ نَن يَ رَ،

¹⁸عَلَكٌ عِ شَ شُننَكٍلِ سْتْ يَرٍ.

¹⁹ﭑ مَ دِ، عِ تُلِ مَتِ عَ قَنيِ رَ، عِ شَ شَشِلِ سْتْ، عِ بْحّ شَ لُ كِرَ تِنشِنشِ قَرِ.

²⁰عِ نَشَ لُ سِيسِلَيٍ يَ مَ، شَ نَ مُ عَ رَ نَشٍيٍ شَ دٌنسٍ شْلِ دَنفِ عَ عِ.

²¹نَ مِشِ مْولِيٍ قِندِ مَ نّ سٍتَرٍيٍ رَ، عٍ شَ تُننَشْنّيَ عَ نِيَمَ نّ دُنكٌبِ فبَنسَن نَفٌرٌ عٍ مَ.