تَالِيٍ 20:4-25

⁴مِشِ تُننَشْنْشِ مُ يِرٍ بُشَمَ عَ وَشَتِ. شّ شَبَ تّمُي عَ بَلٌي قٍنمَ نّ، كْنْ عَ مُ سٍسٍ تٌمَ.

⁵مَرَ سِ تِلِن عَلْ يٍ نَشَن نَ بَا مَ. قَهَامُي كَنيِ نَ بِرِن مَتٌمَ نّ.

⁶مِشِ فبٍفبٍ دُفُتّفّحَ قَلَمَ عٍ يّتّ شُن مَ، كْنْ دُفُتّفّ يَتِ يَتِ تٌمَ دُنِحَ مَ؟

⁷تِنشِنتْي حّرّ مَ تِنشِنيِ نَن نَ، سّيوّ نَ عَ شَ دِيٍ بّ.

⁸مَنفّ كِيتِسَ قَتَ مِشِ بْحّ حَاشِ تٌدٍ.

⁹ندٍ نْمَ عَ قَلَدٍ، «قٍ حَاشِ يٌ مُ ﭑ بْحّ مَ، ﭑ سّنِيّنشِ، يُنُبِ يٌ مُ نَ ﭑ مَ؟»

¹⁰سِكٍيلِ تِنشِنتَرٍ مُ رَقَن عَلَتَلَ مَ.

¹¹قٌنِكٍ شَ حّرّ كِ تِنشِنشِ عَ بْحّ كِ مَسٍنمَ نّ.

¹²تُلِ نَشَن قٍ مّمَ، يَ نَشَن سٍ تٌمَ، عَلَتَلَ نَن نَ بِرِن دَاشِ.

¹³شِشْلِ نَشَ رَقَن عِ مَ دٍ، شَ نَ مُ عَ رَ عِ قِندِ مَ سٍتَرٍ نَن نَ. عِ يَ لَنمَ عَ شَ رَ سّفّ، عَلَكٌ عِ شَ بَلٌي سْتْ عَ قَنيِ رَ.

¹⁴سَرٍ سٌ نَن عَ قَلَمَ يُلّ بّ، «نَ سَرٍ مُ قَن ﭑ بّ قٍوٌ،» كْنْ عَ قَ كٍلِ نَ شُن مَ عَ يّتّ مَتْشْقٍ رَ.

¹⁵شّيمَ نُن فّمّ تٌقَنيِ فبٍفبٍ نَ دُنِحَ، كْنْ لْننِلَ شَ وْيّنيِ تِدٍ فبٌ عٍ بِرِن بّ.

¹⁶مِشِ شَ سّيكّ سٍ رَ سُشُ عَ نَشَن تَانِ شْحّ بّ، شَ نَ مُ عَ رَ عَ نَشَن تَانِ لَنفٌي بّ.

¹⁷دٌنسٍ نَشَن سْتْ وُلٍ رَ، عَ قْلّ عَ حْشُن، كْنْ عَ رَحْنيِ عَ لُشِ نّ عَلْ فّمّ شْرِ عِ دّ عِ.

¹⁸مَرَ سِ قَنيِ نَن وَلِ سْونّيَمَ. حَمَ نَشَ فٍرٍ سٌ مَرَ سِ شَنبِ.

¹⁹نَاقِشِ لَنلَنتٍيَ كَنَمَ نّ. عِ نَشَ لَ مِشِ رَ نَشَن دّ وُيَ.

²⁰مِشِ نَ يٌ عَ نفَ نُن عَ بَبَ مَ، عَ دُنِحَ عِفِرِ مَ دِ مِ نَن كُي.

²¹هَرِفٍ نَشَن سْتْمَ مَقُرٍنيِ رَ، نَ مُ بُمَ.

²²عِ نَشَ عَ قَلَ، «ﭑ نَن ﭑ فبٍحْشْمَ نّ.» عِ شَشِلِ تِ عَلَتَلَ نَن نَ، عَ عِ رَكِسِمَ نّ.

²³عَلَتَلَ مُ وَ مَ مَنِيَ سٍ تِنشِنتَرٍ شْن مَ. سِكٍيلِ تِنشِنتَرٍ مُ قَن.

²⁴عَلَتَلَ نَن عَدَ مَدِ شُن تِمَ كِرَ ندٍ رَ. عِبُنَدَ مَ تَن مُ نْمَ نَ قَهَامُدٍ.

²⁵لَايِدِ تٌنفٌقٍ عَلَ بّ مَقُرٍن مَقُرٍن مَحْشُنيِ فبٍفبٍ شَنبِ، نَ قِندِشِ فَنتَنيِ نَن نَ عَدَ مَدِ بّ.