تَالِيٍ 1:19-33

¹⁹بِرَقٍ فٍينِ تِنشِنتَرٍ قْشْ رَ، نُن مِشِ نِي بَقٍ، نَ كِرَ مْولِ قِندِ مَ فَنتَنيِ نَن نَ.

²⁰شَشِلِمَيَ شِلِ تِمَ كِرَ شُنيِيٍ رَ، عَ عَ شُي رَ مِنِمَ تَا مَلَندٍيٍ.

²¹عَ شِلِ تِمَ حَمَ تَفِ، عَ وْيّنمَ تَا سٌدٍ دّيٍ رَ.

²²عَ نَشّ، «عِ تَن شَشِلِتَرٍ، عِ بِرَ مَ شَشِلِتَرٍحَ قْشْ رَ هَن مُن تّمُي؟ مِشِ مَيٍلٍيٍ يٌمَ مِشِ مَ هَن مُن تّمُي؟ شَشِلِتَرٍيٍ قٍ كٌلٌنيِ شْنمَ هَن مُن تّمُي؟

²³وٌ فبِلٍن قَ رَ ﭑ مَ مَرَ سِيٍ مَ. ﭑ نَ ﭑ شَشِلِ لُمَ نّ وٌ مَ، ﭑ قَهَامُي قِمَ نّ وٌ مَ ﭑ مَ مَسٍنيِ شَ قٍ رَ.

²⁴ﭑ بَرَ وٌ شِلِ، كْنْ وٌ مُ ﭑ مَ شِلِ رَتِنشِ. ﭑ بَرَ ﭑ بّلّشّ عِتَلَ وٌ بّ، كْنْ وٌ بَرَ تٌندِ.

²⁵وٌ تٌ بَرَ تٌندِ ﭑ مَ مَرَ سِيٍ بِرِن نَ، وٌ تٌ مُ تِنشِ ﭑ مَ سّرِيّ رَ،

²⁶ﭑ قَن قَمَ نّ يٍلٍدٍ وٌ مَ وٌ شَ تْورّ كُي. فَاشُي نَ وٌ بْحّيٍ رَ مِنِ عَ عِ، ﭑ مُ وٌ مَلِمَ قٍقٍ مَ.

²⁷فَاشُي قَمَ نّ وٌ لِدٍ عَلْ تُرُننَادّ قٌيٍ، تْورّ قَمَ نّ وٌ سُشُدٍ عَلْ قٌيٍ شُنفبٍ. نَ تْورّ نُن كْنتْقِلِ نَ وٌ لِ تّمُي نَشّ،

²⁸وٌ ﭑ شِلِمَ نّ، كْنْ ﭑ مُ وٌ شَ شِلِ رَتِنمَ. وٌ ﭑ قٍنمَ نّ، كْنْ وٌ مُ ﭑ تٌمَ،

²⁹بَرِ مَ وٌ بَرَ شَشِلِمَيَ شْن، وٌ بَرَ تٌندِ عَلَتَلَ شَ يَرَفَاشُي رَ.

³⁰عٍ مُ نُ وَ مَ ﭑ مَ مَرَ سِيٍ شْن، عٍ مُ نُ وَ مَ ﭑ مَ سّرِيّ سُشُقٍ.

³¹نَ كُي عٍ قَمَ عٍ شَ وَلِ سَرٍ سْتْدٍ، عٍ قَمَ عٍ حّرّ كِ رَحْنيِ تٌدٍ.

³²شَشِلِتَرٍحَ نَن قَمَ شَشِلِتَرٍيٍ فَندٍ. لْننِتَرٍحَ نَن قَمَ لْننِتَرٍيٍ فَندٍ.

³³كْنْ نَشَن تَن عَ تُلِ مَتِمَ ﭑ نَ، نَ كَنيِ لُمَ نّ كَنتَرِ كُي عَ شْنيِ، عَ لُ بْحّسَ كُي، عَ مُ فَاشُمَ تْورّ يَ رَ.»