تَالِيٍ 11:5-14

⁵تِنشِنيِ تِنشِنتْي رَحّرّ مَ نّ كِرَ قَنيِ شْن، كْنْ حَاشُحَ مِشِ حَاشِ هَلَكِمَ نّ.

⁶تِنشِنيِ تِنشِنتْي رَكِسِمَ نّ، يَنقَنتٍ تَن لُمَ مِلّ فَنتَنيِ نَن كُي.

⁷مِشِ حَاشِ نَ قَشَ، سٍسٍ مُ سْونّيَمَ عَ بّ سْنْن. عَ شَ نَاقُلِ مُ سّنبّ يٌ قِمَ عَ مَ نَ تّمُي.

⁸تِنشِنتْي رَتَنفَمَ نّ حَشَنكَتّ مَ، مِشِ حَاشِ تَن لُمَ نَ حَشَنكَتّ نَن كُي.

⁹مِشِ كٌبِ عَ بٌورٍ شُن نَكَنَمَ عَ شَ وْيّنيِيٍ نَن نَ، كْنْ تِنشِنتْي رَتَنفَمَ نّ عَ شَ لْننِ سَابُي رَ.

¹⁰تِنشِنتْييٍ نَ هّيرِ سْتْ، تَا حّلّشِنمَ نّ. مِشِ حَاشِ نَ قَشَ، بِرِن بَرَ فٍينِ.

¹¹تِنشِنتْييٍ مُنَقَنيِ رَقَمَ نّ عَ شَ تَا مَ، مِشِ حَاشِيٍ تَن تَا شُن نَكَنَمَ عٍ شَ وْيّنيِيٍ نَن نَ.

¹²لْننِتَرٍ يٌمَ نّ عَ بٌورٍ مَ، لْننِلَ تَن لُمَ سَبَرِ نَن كُي.

¹³نَاقِشِ فُندٌ مَكّنّنمَ نّ، دُفُتّفّ تَن عَ سُتُرَ مَ نّ.

¹⁴مَرَ سِتَرٍحَ حَمَ رَبِرَ مَ نّ، كْنْ مَرَ سِمَ وُيَشِ تَن قِندِ مَ كِسِ نَن نَ عٍ بّ.