5שומר מצוה לא ידע דבר רע ועת ומשפט ידע לב חכם׃
6כי לכל חפץ יש עת ומשפט כי רעת האדם רבה עליו׃
7כי איננו ידע מה שיהיה כי כאשר יהיה מי יגיד לו׃
8אין אדם שליט ברוח לכלוא את הרוח ואין שלטון ביום המות ואין משלחת במלחמה ולא ימלט רשע את בעליו׃
9את כל זה ראיתי ונתון את לבי לכל מעשה אשר נעשה תחת השמש עת אשר שלט האדם באדם לרע לו׃
10ובכן ראיתי רשעים קברים ובאו וממקום קדוש יהלכו וישתכחו בעיר אשר כן עשו גם זה הבל׃
קֹהֶלֶת 8
קֹהֶלֶת 8:5-10