7ואם האכל יאכל ביום השלישי פגול הוא לא ירצה׃
8ואכליו עונו ישא כי את קדש יהוה חלל ונכרתה הנפש ההוא מעמיה׃
9ובקצרכם את קציר ארצכם לא תכלה פאת שדך לקצר ולקט קצירך לא תלקט׃
10וכרמך לא תעולל ופרט כרמך לא תלקט לעני ולגר תעזב אתם אני יהוה אלהיכם׃
11לא תגנבו ולא תכחשו ולא תשקרו איש בעמיתו׃
12ולא תשבעו בשמי לשקר וחללת את שם אלהיך אני יהוה׃
13לא תעשק את רעך ולא תגזל לא תלין פעלת שכיר אתך עד בקר׃
וַיִּקְרָא 19
וַיִּקְרָא 19:7-13