1Koasa rane sipu lopu ele kamo sa Inevaṉa Pasova, si ele gilania tu Zisu sapu ele kamo sa totoso pude luaria Sa sa kasia popoa hie, meke pule la koasa Tamana. Doduru totoso si tataru ni Sa sari Nana tie koasa kasia popoa, meke lopu kokoi mo pa minate sa Nana tataru koa rini.
2Pa korapana sa hinenahena veluvelu te Zisu koari Nana disaepeli, si ele vekoa tu Setani sa binalabala pa bulona e Ziudasi Isikarioti, sa tuna e Saimone Isikarioti, pude qora ia gana se Zisu, gua.