1Cuahn che a ta̱ma ro ra renda che cuana̱n vihco ro yudo me ne, nducote a devano Dihvo vo che a nda̱ ro che nda̱ca ye iyehnse, ne na̱hn ye na̱n Dendiohs Chida ne, chihco ro ye nduhca̱ che a̱ma yahino ye ihyan yahn ye.
2Chundah ne, a nde mena̱n ca̱hn nun se chete chedave yahn Judas Iscariote, da̱ya Simón, nduhca̱ che ndihcue ndeh se Dihvo vo. Nducote Dihvo vo ne, a devano ye che a ma̱n Dendiohs Chida nda̱hco ye nducuahn vederihquentiyon ta̱h ye ma̱n, na̱n ihyan min chica ye ma̱n, min na̱hn ye ma̱n ne, ura che chihno cheh vino ye nduco ihyan apóstol yahn ye ne, necuan ye na̱n mesa. Chehnevi ye tino tu che quenun ye, ne cheta̱h ye a̱ma toalla, chacondihco ye yutora̱n ye.