Zebur 30:7-12

⁷Perwerdigar, shapaiting bilen, méning téghimni mustehkem turghuzghaniding; Emma Sen didaringni qachurup yoshurdung; Men alaqzade bolup kettim;

⁸Men Sanga nale-peryad kötürdüm, i Perwerdigar; Men Sen Rebke iltija qildim: —

⁹— Méning qénim tökülüp, hanggha kirsem néme paydisi bardur? Topa-chang Séni medhiyilemdu? U heqiqitingni jakarliyalamdu?

¹⁰Anglighaysen, i Perwerdigar, manga shepqet körsetkeysen; I Perwerdigar, manga yardemde bolghaysen!

¹¹Sen matem qayghusini ussul oynashlargha aylandurdung; Haziliq böz kiyimimni salduriwétip, Manga xushalliqni belwagh qilip baghliding;

¹²Shunga méning rohim süküt qilmay, Sanga küyler oqusun! I Perwerdigar, méning Xudayim, Sanga ebedilebedgiche teshekkürlerni éytimen!