Pisalem 30:7-12

⁷Goe gu humalia huoloo mai gi di au, meenei Dimaadua, Goe gu duuli au gadoo be di abaaba dauwa i hongo di gonduu. Ga nomuli, gei Goe gaa bala hagammuni i di au, gei au gu madagu.

⁸Au gu gahigahi Goe, meenei Dimaadua, au gu dangidangi i di hagamaamaa adu gi di Goe, ga helekai,

⁹“Ma di aha e kae Kooe i di au, maa au ma gaa made? Ma nia hagahumalia aha e kae Kooe i di au, maa au ma gaa bala i lodo taalunga? E hai behee, digau ala guu mmade le e mee di hagaamu Goe? Digaula e mee di hagadele di hai o do dumaalia deeodi?

¹⁰Hagalongo mai gi di au, meenei Dimaadua, mo di manawa dumaalia mai gi di au! Meenei Dimaadua, hagamaamaa ina au!”

¹¹Goe guu huli dogu manawa gee guu hai au gi gaalege tenetene. Goe gu daa gi daha dogu manawa gee guu hii au gi di tenetene.

¹²Malaa, au hagalee bolo ga noho hua deemuu, au ga daahili e hagaamu Goe. Meenei Dimaadua, Goe la di God ni oogu, au ga danggee adu gi di Goe ga hana hua deeodi.