Zebur 148:7-14

⁷Perwerdigarni zémindin medhiyilenglar, Déngizdiki barliq ejdihalar, déngizning barliq tegliri;

⁸Ot, möldüz, qar, tuman, Uning sözige emel qilidighan judunluq shamal;

⁹Taghlar hem barliq döngler, Méwilik derexler, barliq kédir derexliri,

¹⁰Yawayi haywanlar, barliq mal-waranlar, Ömiligüchiler hem uchar-qanatlar;

¹¹Jahan padishahliri we barliq qowmlar, Emirler hem yer yüzidiki barliq hakim-sotchilar;

¹²Hem yigitler hem qizlar, Bowaylar we yashlar, —

¹³Hemmisi Perwerdigarning namini medhiyilisun; Chünki peqetla Uning nami aliydur; Uning heywiti yer hem asmandin üstün turidu.

¹⁴Hem U Öz xelqining münggüzini, Yeni barliq muqeddes bendilirining medhiyisini égiz kötürgüzgen; Ular Israil baliliri, Özige yéqin bir xelqtur! Hemdusana!