Zatù 7:8-12

⁸Umbe, impeulì sikandan ni Gideon hein ingketaǥak dan en is menge lutù dan wey menge vudyung dan. Ne wazè din mulà ipeulì sikan is 300 he menge etew. Is kampu te menge Midianhen ne ziyà te menge suǥud, ne egkaalug dà eni Gideon.

⁹Dutun he kezukileman migkaǥi is Nengazen diyà te ki Gideon te, “Pengandam kew en! Surunga niw en is menge Midianhen ne ibpezaag ku keniyu sikandan.

¹⁰Iyan, emun egkahandek ka he edsurung guntaan, ne zumaha nu is suluǥuen nu he si Pura, ne hendiyè kew te kampu te menge Midianhen.

¹¹Pemineǥa niw ke hengkey is egkeǥiyen dan ne siguradu ebmevurut ka he edsurung pinaaǥi te egkezineg nu.” Umbe migenat sikandan is dezuwa pehendiyà te dulunà te kampu te menge Midianhen, he zuen duen ebantey he menge sundaru.

¹²Is menge Midianhen, menge Amalikanhen, wey zuma pa he menge etew he ebpuun diyà te edsilaan, migkampu ziyà te menge suǥud he henduen be te kahabet te terapan is kahabet dan. Is menge kemilyu zan henduen be te kahabet te pantad diyà te veyvey te zaǥat he kenà egkevilang.