Zatù 7:1-5

¹Meselem pa, ne migenat si Jerubaal (he iyan si Gideon) duma te menge etew zin. Migkampu sikandan diyà te uvey te serebseb diyà te Harod. Is menge Midianhen diyà megkampu te divavè dan he ziyà te menge suǥud he uvey te Buntud he More.

²Ne migkeǥiyan te Nengazen si Gideon te, “Utew mezakel is duma nu. Emun ebpekezaag dan en ne kela ke meisip dan he iyan ingkezeeǥa zan te menge Midianhen is pinaaǥi te kandan he nehimu ne kenà pinaaǥi te kedì he nehimu.

³Umbe, keǥiyi nu sikandan he ke hentei kandan is egkahandek ne med-awè en kayi te Buntud he Gilead ne med-ulì en.” Ne hein migkaǥi haazà ni Gideon, ne mid-ulì is 22,000 ne 10,000 zà is nesamà.

⁴Piru migkaǥi is Nengazen diyà te ki Gideon te, “Mahabet pa ǥihapun is nesamà. Dumaha nu sikandan diyà te wahig su idsivey ku is ibpezuma ku kenikew. Is minsan hentei he egkeǥiyen ku he ibpezuma, ne zumaha nu. Is minsan hentei he egkeǥiyen ku he kenà ibpezuma, ne kenè nu zumaha.”

⁵Umbe, miduma sikandan ni Gideon diyà te wahig. Ne zutun migkaǥi is Nengazen te, “Isivey nu is langun he mid-akup te wahig he mid-iring te asu su midèdè dan haazà, wey isivey nu zaan sikan is midluhud su wey mekeinum.”