Yowan 9:21-24

²¹Bong yelei a le nookoot nga ikamata ni, inbe sei tool iyei matana nga le irere i, in amru nga lomam galanga ye tiap. Le be nen ngan katoru. Ya in tool maiyoko, le ole ya taunu iwete pang.”

²²Ngan tool tani in tamana le tinana titattadai di Yuda, ngan la le tiwete betanga nen nga. Titattadai di nen, yesoo muku ngan di kuto maimai ke di Yuda tiraua betanga be kumata le tool sa iwete a ipapos ben Yesu in Kirisi nga, ngan ole tigunkala le ke be ilo rumu kidi Yuda ke gaongo in lono lo iye di tigaua mulu tiap.

²³Ngan ye punu in la le tool tani tamana le tinana tiyei ne, “Katoru. Ya in tool maiyoko oo.”

²⁴Motong la di Yuda tina ngan tikiui tool tani yo matan kis in paru ki man tiwete panga nen, “Nookoot nga kuyitmaka Maro ene, inbe kuwete betanga moolmool pam ye matana. Oo kuwete, am nga lomam galanga be tool yo kuweta i, in tool ke yeingi noonoo.”