Yowan 6:55-60

⁵⁵Uleef naan uwo pde na manjoonan, kë pñaak pi naan pawo poot na manjoonan.

⁵⁶Ñaaŋ ankdeeŋ uleef naan kakuţ kadaan pñaak pi naan amëbandër na nji mbot nwo na a.

⁵⁷Paapa anwooŋ ukumpëş wi ubida ayilnuŋ kë mbot akaana ubida ţi a. Hënk di di ñaaŋ ankde'ënuŋ akţëpnuŋ ţi nji kaka ubida.

⁵⁸Pde panwoonuŋ baţi pii pi ; paanwo ji pi başinan babiiŋ ade abaa keţa keţ. Ñaaŋ ankndeeŋ pde pi aluŋ kaka ubida wi mnţo. »

⁵⁹Yeŧu aţup uko waŋ wi akjukanuŋ du *katoh kañehanaani du Kapernawum.

⁶⁰Baţaşar Yeŧu baŧum, wi baŧiinkuŋ uţup waŋ, aşë ji : « Uţup wi udiţi! Ñaaŋ aanhilan pŧiink wa? »