ᤕᤢᤜᤢᤴᤏᤠ 6:55-60

⁵⁵ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤀᤠᤎᤰᤁᤡᤴ ᤜᤧᤰᤁᤩᤠᤱ ᤀᤠᤔᤠᤰᤂᤡ᤹ᤀᤡᤴ ᤛᤧᤰᤂᤠᤒᤠ ᤆᤠᤔᤠ ᤌᤢᤱᤔᤠ ᤆᤠᤖᤥ॥

⁵⁶ᤀᤡᤱᤃᤠ᤹ ᤀᤠᤎᤰᤁᤡᤴ ᤁᤧᤈᤠᤒᤠᤴ ᤏᤢ ᤀᤠᤔᤠᤰᤂᤡ᤹ ᤁᤧᤎᤢᤱᤒᤠᤴ ᤀᤡᤱᤃᤠ᤹ᤀᤥ ᤘᤠ᤹ ᤜᤧᤰᤁᤩᤠᤱ ᤀᤡᤱᤃᤠ᤹ ᤂᤢᤏᤧ᤹ᤀᤥ ᤘᤠ᤹ᤀᤠᤖᤥ॥

⁵⁷ᤜᤡᤱᤔᤴᤍᤠᤱᤒᤠ ᤐᤠᤏᤢᤍᤡᤱ ᤐᤠ᤺ᤸᤗᤧ ᤀᤡᤱᤃᤠ᤹ ᤐᤠᤱᤄᤠᤱ ᤜᤧᤰᤁᤩᤠᤱ ᤂᤢᤏᤧ᤹ ᤆᤥᤃᤢᤸᤗᤧ ᤜᤡᤱᤅᤠᤒᤠ ᤁᤢᤀᤡᤛᤡ᤺ᤰ ᤀᤡᤱᤃᤠ᤹ ᤀᤠᤎᤰᤁᤡᤴ ᤁᤧᤈᤠᤒᤠᤴᤏᤠᤱ ᤀᤡᤱᤃᤠ᤹ ᤆᤥᤃᤢᤱᤅᤡᤸᤗᤧ ᤜᤡᤱᤗᤥ॥

⁵⁸ᤁᤴ ᤀᤠᤎᤰᤁᤡᤴᤏᤣ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤁᤧᤕᤢ᤺ᤒᤠ ᤂᤖᤧ᤺ᤱᤗᤥ॥ ᤂᤡᤏᤡ᤹ ᤛᤢᤎᤧᤒᤠ ᤋᤠᤰᤌᤧᤒᤠᤜᤠ᤹ᤖᤧ ᤔᤴᤏᤠ᤺ᤴ ᤔᤧᤈᤀᤠᤱ ᤔᤧᤛᤩᤧ ᤁᤖ ᤁᤴ ᤂᤖᤧ᤺ᤱᤅᤡᤴ ᤁᤧᤈᤠ᤺ᤒᤠᤱᤃ ᤛᤍᤠᤍᤡᤱ ᤜᤡᤱᤗᤥ॥”

⁵⁹ᤕᤧᤛᤢᤖᤧ ᤁᤴ ᤐᤠ᤺ᤴᤏᤡᤴ ᤁᤐᤷᤏᤜᤢᤶᤔᤥᤒᤠ ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤥ ᤜᤢ᤹ᤖᤢᤛᤡᤸᤗᤧ ᤐᤠ᤺ᤳᤋᤢᤒᤠᤖᤥ॥

⁶⁰ᤁᤴ ᤐᤠ᤺ᤴᤏᤡᤴ ᤔᤧᤄᤧᤵᤛᤢᤀᤠᤱ ᤕᤖᤡᤰ ᤜᤢ᤹ᤛᤠᤶᤒᤠᤜᤠ᤹ᤖᤧ ᤀᤰᤂᤣ ᤔᤧᤒᤠ᤺ᤳᤋᤢ. “ᤁᤴ ᤐᤠ᤺ᤴᤏᤡᤱᤃ ᤁᤧᤛᤠᤰᤐᤠ ᤏᤡᤛᤠᤶᤗᤥ॥ ᤁᤴ ᤜᤠ᤺ᤳᤗᤧ ᤏᤠ᤺ᤵᤔᤠ ᤛᤢᤰᤋᤢᤒᤣ᥅”