Yoni 3

1

2

3

4

5

6

7

8

9

10

11

12

13

14

15

16

17

18

19

20

21

¹Nago Falasia kanoa Yuta vayate ala kava kanoamimo agia Nikotimasie.

²Nago kegela ani kanomoa Yisasite eno mage huno hie “Humave-nelina kanomoga tagaya ago havimainone kagaya humaveli hama-veli nehana kanomoga Anumaya Kotia hu-gategeka emainane. Kagaya oagenaya tokiya avame yana nehane. Anumaya Kotia kagaiene omaineleasina ania kavala ohateasine. Ani yafe tagaya ago havimainone Anumaya Kotia hu-gategeka emainane.” huno hie.

³Higeno Yisasia mage huno hie “Tamage-lafa huna kaha-nepauve anafinaga kanomoma nago kanoma haegafa huno oatesiana Anumaya Kotima kava yagai-mainea kumala oagegahie.” huno hie.

⁴Higeno Nikotimasia mage huno hie “Alopa kanomona hanaa huno ateleasine? Itaamo aipafinaga eteno hai falesigeno nagoene eteno atesie huka nehapio?” huno havinege.

⁵Havigegeno Yisasia mage huno hie “Tamage-lafa huna kaha-nepauve titetiene Anumaya Koti Alu Aotage Avamumotetiene oatesiana Anumaya Kotima kava yagai-mainea kumatela ougahie.

⁶Amaugafama hanea veamoya augafa hanesia nafane amategahayanagi Anumaya Kotina Alu Aotake Avamumoteti atesia kanomona Alu Aotage Avamumoa haimula amigahie.

⁷Nagaya mani kema hua kea ‘Nagoene eteka nato huka huo.’ huna hua kehena havika kamayoa aika atali ohuo.

⁸Yasimoa agaia hau yate alino visia yana kaulagamoa oagene. Afaa uhuhu uhuhu hia kea haviteka hanategatima aepa heno falote hia kaene vaiyea kaene oagenane. Yasimoma hia avamete huno Anumaya Kotina Alu Aotake Avamumoa nago kanomona neateana noagone.” huno hie.

⁹Higeno Nikotimasia mage huno havige “Ani yana hanaa huno falote hugahie?” huno havinege.

¹⁰Havigegeno Yisasia mage huno hie “Kagaya Isaleli veane hu-maveli hamaveli nehana kano mainanagi naa higeka ohavinane?

¹¹Tamage-lafa huna kaha-nepauve age-mainona yafe kaha-nepauve havilinona yafe kaha-nepauvanagi mani kea tamakaveno hu-neatae.

¹²Nagayama ma mopale yafe ago kaha-nepauvanagi ‘Tamage nehane.’ huka havika kagupi maleka kametiti nohanagi ikapinaga yafema kaha-paisugeka hanaa huka havika kagupina maleka kametitia hugane?

¹³Nago kanomoa ikapinaga ohainegi nagaya ikapinagati emainoa kanoa vayamo natenea kanomona nagainiage ikapinagatila ma mopafina elavi-mainoe.

¹⁴Mosesea kame kotega maineno osifavea talo huteno yosale malegamaeno alisaga hu-mainea kavala menia ania huya ikapinagati emainoa kanoa vayamo natenea kanomonina navaleya alisaga hugahae.

¹⁵Alisaga hisageno mukia veamoya ‘Tamage nehie.’ huya amakupi maleya amametiti hisaya veamoya agola maige maige hisaya hamaimula aligahae.”

¹⁶Anumaya Kotia aiya nagoke nafanea maineanagi ma mopafi veanehe tusiya huno hau ayamopafi haigeno ani aiya nagoke nafanea hu-tegeno elavino emaine. Emainegeta tagaya nagoke nagokemogata agaife tagupi maleta tametiti hisunana haniki-mai yapi tegelege nehia atafina ougahunanagita agola maige maige hisuna tahaimula aliteta maigahune.

¹⁷Anumaya Kotia nafaneamona mopale veane kaiyeke hu-mateno nofi hu-matesia yatela hu-tegeno omenegi mopafi veane amaku amamemaa ali-gatisiafene huno hu-tegeno emaine.

¹⁸Emaineanagi nagoa veamoya Yesasifena amakupi maleya amametiti haya veala Anumaya Kotia kaiyeke huno nofila hu oama-tegahianagi nagoa veamoya Anumaya Kotina aiya nagoke nafanehe haviya amakupi omaleya amametiti nohaya yafe Anumaya Kotia ago kaiyeke hu-ma-teteno ago nofi hu-ma-tene.

¹⁹Kaiyekema hu-mate yamo aepaamoa maa hu-maine, aye hale-ma-te kanoa ma mopafina ago emainegeya veamoya kefo yana nehuya hani yapi maisaya yafe muse huya hale yafena nohamaiya yafe Anumaya Kotia ago kaiyeke hu-ma-tene.

²⁰Mukia kefo kava huge huge nehaya veamoya hale yafena nohamaigeya “Hale yapima visunageya kefo yatia age-falote hugahae.” huya hale yapina nomae.

²¹Tama kava nehaya veamoya hale yapima neeya mage nehae “Anumaya Kotia taya higeta kanale yana hu-mainonafe mukia veamoya agesae.” huya nehae.

²²Naa hu-maleteno Yisasiene agaiaenema tokaeya nemaiya anagaene Yutia umaineya nagoa kana umaiteya veanea mono tina fale-ma-tenae.

²³Fale-ma-tegeno Yonia Ainonie nehaya kumate maineno ania huno veanea fale-ma-tene. Ainoni kumala Salimie nehaya kumamo aupate hane. Kasagoya tiyaga anilega haneanagiya veamoya ete ete hageno tina fale-ma-tene.

²⁴Yonina avaleya nofipina oatenageno ani lina fale-ma-tene.

²⁵Yonienema tokaeya nemaiya anagaene nago Yuta kanoene mono tima fale yamo auava yafe mohu mehu huya ke vai-mainae.

²⁶Ke vai-maleya Yonitega mage huya mo hane-paiye “Hulave nelina kanomoga Yotani limona ame haupalega kagaienema mainegeka agaifema taha-pai-mainana kanomoa menia agaia tina fale nea-ma-tegeya mukia veamoya agaitega utele nehae.” huya hae.

²⁷Hageno Yonia mage huno hie “Anumaya Kotia nagoa veamogamina nago yana oamamineleasina oalileasine.

²⁸Tamakaya agoma hu-mainoa kea havilinae. Mage huna hu-mainoe ‘Nagaya Anumaya Kotima taugafa ali-gatigahe hu-tenea kanoa omainogi nagaya uhagotena nevisugeno agaya haenaga egahie.’ huna hu-mainoe.

²⁹Nago vemoa ama aliana agaia a maineanagi ayama hu-mainea kanomoa agava huno ama ali-mainea kea haviteno tusia muse nehie. Aniama hia avamete huna Yisasitega veama nevaya yafena nagaya tusia muse nehue.

³⁰Yisasi agimoa nagaila nagaseno ala huno haigahianagi nagai nagimoa afete tavigahie.” huno hie.

³¹Yonia mage huno hie “Anafinagati elavi-mainea kanomoa mukia yana amakase-maineanagi ma mopaletima efalote hu-mainea kanomoa ma mopale kano maineno mopale yafeke kea nehie. Ikapinagati elavi-mainea kanomoa mukia yana amakase-maine.

³²Ikapinagati elavi-mainea kanomoa age-mainea yafeene havimainea yafeene hama-nepaiyanagi nagoa veamoya ani kea haviya amakupina nomalae.

³³Nomalagi nagoke nagoke veamoya hu-mainea kea haviya amakupima malaya yafe ‘Anumaya Kotia tamageage kano maine.’ huya hu-lokiya nevaiye.

³⁴Anumaya Kotia hu-tenea kanomona Anumaya Kotia Alu Aotage Avamula nago haupa nago haupa huno oaminegi mukia hiya huno aminegeno Anumaya Koti kea nehie.

³⁵Higeno nefaa nafaneamofena tusia muse nehuno mukia kava yagaisia yana ayapi malene.

³⁶Nagoa veanemoya nafaneamofema ‘Tamage nehie.’ huya amakupi maleya amametitima hayana agola maige maige hisaya hamaimula ago ali-mainayanagi nagoa veamoya nafaneamoma hia kema akavema omalesayana ani hamaimula oaligahae. Anumaya Kotia ani veamogamina aipa haviya hu-mateno kaiyekea ago hu-neamate.”