26nu ndek sana: Ye kile ne ndoŋ pasatek te ye nuŋge ŋgina.
27Nu taŋamba saka minna le nuŋe dubiwanu taŋgo nane luka pro nu pino ta ndoŋ pasata minna le kaŋgermba piriri ŋayonaig. Piriri ŋayomba ne ame agaŋ sotate ko ne ndaŋam nu ndoŋ pasatate ŋga kusna ndanaig.
28Kile pino ta waim kusremba luka tumbraŋ kina sulumba nane saniŋgina:
29Taŋgo ande ye maŋau ŋakmba ke liken ta kile-mayokka sayat. Nu Kristus inde. Tane ilmba ka kaŋgerap ŋgina.
30Taŋakina le nane ndek tumbraŋ kusremba nu sota kinaig.
Yohanus 4
Yohanus 4:26-30