John 4:26-30

²⁶Jedus tell um say, “A de one ya da taak bout.”

²⁷Same time Jedus ciple dem come back, an dey been stonish fa see Jedus da taak ta a ooman. Bot ain none ob dem aks de ooman say, “Wa ya wahn?” Needa none ob um aks Jedus say, “Hoccome ya da taak ta de ooman?”

²⁸Den de ooman lef e wata jug an gone back ta town, an e tell all de people dey fa come.

²⁹E tell um say, “Oona mus come see a man wa tell me ebryting A done done. Oona tink e de Messiah?”

³⁰So de people lef town an come ta Jedus.