Yohansi 11:37-41

³⁷Mere la' dom de e riwra: “Hade nhi'a mak matni kyata pa rkalwieda ne nihya'pa E edonna Nhi' Lasarus pa edon nmati?”

³⁸Noma rla'awa lien maka rkenia Lasarus inonni de. La'pa rte'ela hande Yesus ralamni nmolu-nhelma. La' hande e rala wat liawna id la ra rherit targa lienni de nhiarni.

³⁹Yesus Nakot la re Niwra: “Mpiaklol doinia wat diel la'a nhiar de gaini.” Noma Lasarus mak kmat die narni Marta nakot la niwra: “Matroma, rader olek hadella' melul handena, la lera wogat olekwa pa hota inonni ngehpa-nta'l olekwa!”

⁴⁰Noma Yesus Nakot la Marta Niwra: “A'g e ukot oleka hare tiy o'owa Marta. La'pa ompuesiaya de hota o' e mumkeka Uplerlawna preheni-mkaini.”

⁴¹Noma rte'la la wat liawan de pa rwaklol dioinia. Nhor nia'nama Yesus Nwatniar la lyanti na'nama Niwra: “Ama, A'u'uli-uwedi O'a yoma Omutlin olek la mai A wua.