37ᤁᤖ ᤁᤢᤓᤠᤖᤧ ᤔᤧᤒᤠ᤺ᤳᤋᤢ. “ᤔᤧ᤺ᤶᤒᤧ. ᤔᤡᤰᤑ᤺ᤶᤒᤠᤴ ᤏᤡ᤺ᤔᤠ ᤁᤧᤛᤢᤰᤐᤠ ᤁᤧᤈᤥ᤺ᤰᤐᤠᤱᤃ ᤒᤠ ᤂᤢᤏᤧ᤹ ᤔᤧ᤺ᤶᤒᤡ᥅ ᤌᤣᤀᤠᤱ ᤁᤴ ᤗᤠᤈᤖᤛᤧᤴ ᤛᤡ᤺ᤔᤠᤗᤠᤶ ᤜᤡᤱᤔᤠ ᤔᤧᤛᤢᤰᤋᤢᤶᤒᤠᤒᤣ᥅”
38ᤕᤠᤶᤔᤥᤀᤠᤱ ᤕᤧᤛᤢ᤺ᤴ ᤛᤠ᤹ᤖᤡᤰ ᤁᤢᤕᤥ᤺ᤶ ᤐᤢ᤹ᤖᤧᤀᤠᤱ ᤀᤡᤵᤐᤢᤱᤅᤡᤸᤗᤧ ᤁᤢᤒᤣᤛᤠᤱ ᤐᤣ॥ ᤂᤧᤴ ᤀᤡᤵᤐᤢᤱᤅᤡᤸᤗᤧ ᤁᤢᤔᤢᤖᤠᤀᤥ ᤕᤶᤒᤠ ᤗᤢᤱᤅᤡᤴ ᤔᤧᤕᤧᤵᤛᤢᤒᤠ ᤑᤢᤰᤁᤢ ᤘᤕᤧᤖᤥ॥
39ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤁᤴ ᤗᤢᤱᤅᤡᤴ ᤌᤡᤰᤗᤧᤵᤔᤠᤱ ᤀᤡ᤺ᤛᤧᤶᤔᤧ᤹॥” ᤁᤖ ᤗᤠᤈᤖᤛᤖᤧ ᤁᤢᤴᤏᤧ᤹ ᤔᤠᤷᤌᤠᤖᤧ ᤔᤧᤳᤋᤢ. “ᤍᤠᤱᤒᤣ. ᤂᤢᤏᤧ᤹ᤃ ᤂᤠᤶᤔᤥ ᤆᤡᤱᤔᤏᤠᤒᤠ ᤗᤡᤛᤡ ᤕᤧᤴ ᤁᤧᤖᤧᤔᤠᤖᤧᤖᤥ. ᤀᤠᤸᤗᤃ ᤏᤠᤶᤛᤢᤒᤡᤗᤠᤖᤥ॥”
40ᤜᤧᤰᤁᤣ᤺ᤸᤗᤧ ᤕᤧᤛᤢᤖᤧ ᤔᤧᤳᤋᤢ. “ᤏᤛᤠ᤺ᤴ ᤁᤧᤈᤥᤃᤢᤏᤧ ᤑᤠ᤹ᤃᤪ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤕᤶ ᤕᤶᤒᤠ ᤁᤢᤔᤢᤰᤛᤠᤶᤔᤡᤴ ᤁᤧᤏᤡ᤺ᤛᤢ᤹ ᤑᤠ᤹ᤀᤠᤱ ᤋᤃᤡᤛᤠ ᤔᤧᤳᤏᤧᤀᤠᤱ ᤘᤕᤧᤖᤥ॥”
41ᤂᤧᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤀᤡᤵᤐᤢᤱᤅᤡᤸᤗᤧ ᤁᤢᤔᤢᤖᤠᤀᤥᤒᤠ ᤗᤢᤱᤅᤡᤴ ᤌᤡᤰᤗᤧᤵᤔᤠᤱ ᤔᤧᤀᤡᤛᤢ॥ ᤜᤧᤰᤁᤩᤠᤱ ᤕᤧᤛᤢᤖᤧ ᤌᤠ᤺ᤱ ᤀᤥᤔᤧᤳᤋᤢᤖ ᤐᤠ᤺ᤳᤋᤢ. “ᤐᤠᤏᤢᤍᤡᤱ ᤀᤠᤶᤒᤣ. ᤂᤧᤏᤧ᤹ ᤀᤠᤒᤣᤗᤡ᤺ᤴ ᤁᤧᤄᤧᤵᤛᤢᤒᤠᤀᤥ ᤏᤥᤃᤧᤴᤗᤥ॥
ᤕᤢᤜᤢᤴᤏᤠ 11
ᤕᤢᤜᤢᤴᤏᤠ 11:37-41