Yohanis 1:23-27

²³Rona nola nunia, Yohanis nataa sia tuir saa mak Yesaya nakerek kedan hori uluk naꞌak, “Haꞌu neꞌe, ema mak nahii iha rai fuik naꞌak, ‘Ema hotu-hotu hadiꞌa dalan, atu simu Naꞌin! Haweer dalan, hodi simu Nia.’ ”

²⁴Baa oras nia, ema naꞌin hira nosi partee Farisi moos mai baa Yohanis.

²⁵Sia nusu nia naꞌak, “Lia nuneꞌe. Kalo o lahoos Kristus, lahoos bei Elia, no lahoos Maromak makoꞌan seluk nia, tan saa o sarani ema? See mak foo beran nia baa o?”

²⁶Yohanis nataa naꞌak, “Haꞌu neꞌe, sarani ema kodi wee dei. Mais noo Ema ida iha emikaan klaran tiꞌan mak emi la hatene.

²⁷Masik haꞌu kahuluk Nia moos, Nia boot liu haꞌu. Haꞌu kdadi ata baa Nia moos, haꞌu la kfatan.”