Yohane 1:23-27

²³Ifi degec Yohanengo yofi merenec, “Bangec kisiu ubaudumeng fingerec imoc nennoc yofi kpacduae, ‘Ngeni KEBUAC sing heitumeigec.’ Profete Yesaiango neac ifi deec.”

²⁴Anu farisaio yeneng ngic goa sueyunugec kemma

²⁵Yohane kpesimigec, “Ge Messia kpac nga Eria kpac amma profete kpac. Ge nocac ngic doku nadzicyemmeannec?”

²⁶Ifi degec Yohanengo yofi merengyemmeec, “Ni doku nadzicngemmeanduae. Nga botucnginau ngic mong kecde, ngeni ye mi negemmidae.

²⁷Yeng ngadenau hama kecde nga ni ifiango yeac hanitabe witiha yungecba naric mi ngereeude.”