Jon 1:23-27

²³Jon ivonapotesi ikikava peroveta Aisaya igiruma na nakanani ivonesi bo, “Taku na wawaya gamona warereyai erurukwatu, ‘Keta maninina koberai, Bada kubiine.’”

²⁴Ma Perisi damsi wawaya viya ivonatawesi ma

²⁵ivi tarakiiyanei bo, “Mikeda tam ke Keriso, ke Elaidiya bo ke peroveta na avi kubiine kebababataito?”

²⁶Ma Jon ivonapotesi bo, “Taku okowai abababataito. Ma kamomiyai wawaya sago ke kotakovi.

²⁷Tuna tomowina murikuwai epipisi. Ighekuyoweku, taku ke wawaya kiimataniku da kaena kana terepapara ata rupami.”