Yohane 3:28-33

²⁸Ni Kristo qahac, néŋ méli néŋu iwac miha mema hayi imuhuc énézéyi. Acna imuac ini eŋaocnec héipuc wammu.

²⁹Embac buŋa qeénécmimia imi eu buŋayawac wanʒac. Alaya méŋ méra mizac inéŋ iwac niŋ mambéc wamma gezac qeqe wanʒac. Waŋu eu buŋawac ewaya nimma ségiségi yanda wanʒac. Imuac nuac ségiségi imi deguc sécgéma hezac.

³⁰Iwac buŋanéŋ yandi saima kemmac, néŋ nuac buŋanéŋ héréma mamac.

³¹Ounec mazac inéŋ iwawai mocʒoŋ onogicma eŋeŋa kecʒac. Méŋ i baecarunec hicŋizac inéŋ baecac buŋa ésécnec ʒéanʒac. Waŋu kurumeŋ igucnec mazac inéŋ iwawai mocʒoŋ onogicma eŋeŋa kecʒac.

³²Inéŋ iwawai hémma niŋaŋec imuac héipucya wamma ʒéanʒac. Waŋu ic ieneŋ iwac héipuc ac ménda aŋgéŋ tianʒu.

³³Anutunéŋ méliyec inéŋ Anutunéŋ Uŋa imi qétéya qahac waimiyu Anutuac ackuaʒéc sac ʒéanʒac. Mérénéŋ méŋ iwac héipuc ac aŋgéŋ tizac iminéŋ Anutu imi héla wanʒac imuac oaec ʒémizac.