JAN 3:28-33

²⁸Tumen korkore san mire švedki, hoj phenďom: ‘Me na som o Kristus, ale som bičhado anglal leste.’

²⁹E terňi hiňi le terneskeri. Le terneskero prijaťeľis, savo ačhel pašes a šunel, igen radisaľol le terneskere hangoske. Kada miro radišagos hin akana pherdo.

³⁰Ov mušinel te barol a me te cikňol.

³¹Oda, ko avel upral, hino upral savorende. Ko hino pal e phuv, hino pal e phuv a vakerel pal o veci, so pes kerel pre phuv; ale oda, ko avel andral o ňebos, hino upral savorende.

³²Vakerel pal oda, so dikhľa a šunďa, ale ňiko na prilel leskero sveďectvo.

³³Oda, ko prilel leskere lava, sikavel, hoj o Del hino čačipnaskero.