Yohana 9:31-40

³¹Tojuwa kamba Mulungu hawategeleza wanhu wotenda nzambi, lakini kowategeleza wanhu waja womtegeleza heyo na kusang'hana gaja goyolonda.

³²Tangu chanduso cha isi yose kuduhu munhu yahulike kamba munhu yoyose kamuhonya munhu yavumbuke msuwameso.

³³Maza munhu ino halawile kwa Mulungu, sambi yadahe kutenda mbuli ino.”

³⁴Wamwidika, “Gweye kuvumbuka na kukulila mzizambi abaho kolonda kutufunza tweye?” Avo wamuwinga mna ing'anda ya kumpula Mulungu.

³⁵Yesu viyahulike kamba wamuwinga mng'anda ya kumpula Mulungu, kamona munhu ayo kamuuza, “Vino gweye komtogola Mwana wa Munhu?”

³⁶Munhu ayo kamwidika, “Go mkulu, nongela ayo nani, mhate kumtogola!”

³⁷Yesu kamulongela, “Kumona, ayo heyo yolonga na gweye sambi.”

³⁸Munhu ayo kalonga, “Notogola Mndewa.” Abaho kamfugamila Yesu.

³⁹Yesu kalonga, “Niza mwiisi ino kuwatagusa wanhu, avo waja hawalola walole na waja wogesa wolola waleke kulola.”

⁴⁰Mafalisayo wayagwe wakalile hamoja na Yesu viwamuhulike kolonga avo, wamuuza, “Vino kolonga na tweye vivija hatulola?”