Yabura 90:5-10

⁵I a niya adamadi mu keli a xa xixɔli ma. A luxi alɔ ɲooge naxan minima a yɛtɛ ra.

⁶A keli subaxɛ ma, a fuga, nunmare tɛmui a ɲan bara lisi, a xara.

⁷I xa xɔnɛ muxu ɲɔnma nɛ, a muxu magaaxu.

⁸I muxu xa yunubi birin kolon, hali muxu xa fe ɲaaxi naxee findixi gundo ra.

⁹Muxu xa simaya birin luma i xa xɔnɛ bun ma. Muxu xa duniɲɛigiri xa bui birin, ɲɛngi rate keren.

¹⁰Muxu xa simaya buma ɲɛ tongo solofere, ɲɛ tongo solomasaxan xa a sɔɔnɛya, kɔnɔ na birin findixi tɔɔrɛ nun ɲaxankatɛ nan na. Simaya dangima nɛ mafuren mafuren, a muxu lu dimi kui.