Yabura 89:2-14

²N bɛɛti bama n Marigi xa dugutɛgɛɲa xa fe ra. N na masenma nɛ bɔnsɔɛ birin bɛ, a falafe ra,

³«I xa dugutɛgɛɲa mabanbanxi koore ma abadan. I xa hinnɛ mu kanama.»

⁴«N bara saatɛ xiri n nun n ma mixi sugandixi ra, n bara yi kɛrɛ tongo n ma konyi di Dawuda bɛ.

⁵‹N i bɔnsɔɛ rasabatima nɛ abadan, n i xa kibanyi ti tɛmui birin.›» Ɲɛngi rate.

⁶N Marigi, naxee na koore ma e i matɔxɔma, malekɛe i tantuma i xa dugutɛgɛɲa xa fe ra.

⁷Nde na koore ma naxan maniyama Marigi Ala ra? Nde luxi alɔ Marigi Ala malekɛe ya ma?

⁸Ala magaaxu a xa sɛniyɛntɔɛe xa malanyi, e birin e magoro a bɛ.

⁹Marigi Ala, nde sɛnbɛ gbo alɔ i tan Mangɛ Ala? I xa dugutɛgɛɲa na yire birin.

¹⁰I tan nan baa yamarima, i a mɔrɔnyie raxara.

¹¹I tan nan nɔ Misira ra, i a sɔntɔ. I i yaxuie rayensen i sɛnbɛ ra.

¹²I tan nan gbe koore ra, i tan nan gbe bɔxi ra. I tan nan duniɲa birin daa.

¹³Se naxan na kɔɔla ma, se naxan na yirefanyi ma, i tan nan a birin daaxi. Taboro nun Xerimon geyae i xili matɔxɔma.

¹⁴I sɛnbɛ gbo.