A Umana Kakailai 89:2-14

²Tago iau tar biti dari: A varmari na tavua vatikai, Ma kaum dovot na mangamangana na tur padikat ta ra bala na bakut.

³Amir ma kaugu viviliai amir tar pait ra kunubu, Iau tar vavalima tai David kaugu tultul dari:

⁴Ina vaki vatikene pa ra umana bul mur tam, Ma ina vatur kaum kiki na king ta ra lavur taun tarai. Sela.

⁵Luluai, ra bala na bakut na pite pa kaum lavur enana papalum, Di pite pa bula kaum dovot na mangamangana ta ra kivung kai ra umana tena gomgom.

⁶Tago to ia arama ra ul a bakut ba da nuk vardadane dir ma ra Luluai? To ia ta ra lavur natu i God dir varogop ma ra Luluai,

⁷A God ba di burut i tuna tana ta ra kivung kai ra umana tena gomgom, Ma i topa ia ba da manga ru ia ta diat dia tur kikil ia?

⁸Luluai God kai ra lavur kor, To ia i ongor da u, Ia?

⁹U iat u kure vadekdek ra karangap na. ta, Ba i tut kana lavur bobol, u iat u kure vango diat.

¹⁰U tar pamar Rab da tikai ba i tar virua; U tar korot varbaiane kaum lavur ebar ma ra dekdek na limam.

¹¹A bala na bakut kaum iat, ma ra gunagunan kaum bula; U ga vaki ra rakarakan a gunagunan ma ra lavur magit i kor tana.

¹²A matana labur ma ra matana taubar u tar pait dir; Tabor ma Kermon dir gugu ta ra iangim.

¹³A limam i ongor tuna, A limam i dekdek ma ra limam tuna i ngala.

¹⁴A mangamangana takodo ma ra dovot na varkurai dir a vunapai kaum kiki na king; A varmari ma ra dovotina dir lualua ta ra matam.