Yabura 79:2-9

²E bara i xa konyie furee findi xɔnie xa baloe ra, e bara i xanuntenyie so wulai sube yi ra.

³E bara e sɔntɔ Darisalamu rabilinyi, e mu ragata.

⁴Si naxee na muxu rabilinyi e muxu konbima, e yoma muxu ma.

⁵Alatala, i xɔnɔma nɛ muxu ma abadan? I xa tɔɔnɛ danma mun tɛmui?

⁶I xa xɔnɔ ɲamanɛe ma naxee mu i kolon, i xa xɔnɔ mangɛyae ma naxee mu i batuma,

⁷barima e bara Isirayila xun nakana, e bara a xa lingira rabira.

⁸I naxa ratu muxu xa yunubi dangixie ma. I xa hinnɛ muxu ra mafuren, barima sɛnbɛ yo mu na muxu bɛ sɔnɔn.

⁹Kafu muxu ma, muxu rakisima Ala, i xili xa nɔrɛ xa fe ra. I xa muxu rakisi, i xa muxu xa yunubie xafari i xili xa fe ra.