Yabura 69:3-9

³N na birife boora tilinxi kui, n sanyi mu tide yo sɔtɔfe. N na madulafe ye xɔɔra.

⁴N bara i xili han n bara tagan, n xui yo mu na sɔnɔn, n ya bara n xɔnɔ i fenfe ra.

⁵N xɔnmixie bara wuya dangi n xunsɛxɛ ra. Sɛnbɛmae nan e ra naxee wama n faxafe. E findi n yaxuie ra hali n mu fefe rabaxi e ra. N mu fe ɲaaxi yo rabaxi e ra, kɔnɔ e wama n xa sare nde fi.

⁶Ala, i n ma tantanyi kolon, n ma yunubie mu nɔxunxi i ma.

⁷Mangɛ Alatala, i naxa a lu danxaniyatɔɛe xa yaagi n ma fe ra. Isirayila Marigi Ala, i naxa a lu i fenmae xa ifu n ma fe ra.

⁸E n konbima i tan nan ma fe ra. N bara yaagi han.

⁹N xunyae mu n kolon sɔnɔn, n bara lu n taarae bɛ alɔ xɔɲɛ nde.