Sabóor 69:3-9

³May suux ci ban bu xóot, te awma fu ma teg tànk. Maa ngi nii ci ndox mu xóot, gannax yi mëdd ma.

⁴Ma woote wall ba tàyyi, sama put gi wow koŋŋ. Ma séentu la, yaw sama Yàlla, ba samay gët giim.

⁵Sama kawari bopp sax, ñi ma bañ ci daraa ko ëpp. Ñu bare doole, bëgg maa sànk, noonoo ma ci dara. Sàccuma, nara fey!

⁶Yaw Yàlla, xam nga sama jëfi dof, te samay tooñ umpu la.

⁷Yàlla buma rusloo ñi la yaakaar, yaw Boroom bi, Aji Sax ji Boroom gàngoor yi, yàlla buma gàcceel ñi la topp, yaw Yàllay Israyil.

⁸Yaa tax ma dékku, ñu di ma sewal, ma rus ba sëlmoo gàcce.

⁹Jaambur laa léegi ci saay bokk, mel ni doxandéem sama biir doomi ndey.