Yabura 132:10-18

¹⁰I xa konyi Dawuda xa fe ra, i naxa mɛɛ i xa mangɛ sugandixi ra.

¹¹Alatala a kali nɛ Dawuda bɛ, marakali naxan mu kanama, a naxɛ, «N i bɔnsɔɛ nde nan dɔxɔma i xa kibanyi ma.

¹²Xa i xa die sa n ma saatɛ binya, e n ma yaamarie rabatu, e xa die fan luma nɛ i xa kibanyi ma abadan.»

¹³Barima Alatala bara Siyoni sugandi, mɛnni nan nafanxi a ma a sabatide ra.

¹⁴A naxɛ, «N sabatide nan be ra abadan. N dɔxɔma be n ma kibanyi kui barima be rafanxi n ma.

¹⁵N barakɛ sama nɛ Siyonikae ma, n baloe fi e xa misikiinɛe ma.

¹⁶N kisi fima nɛ e xa sɛrɛxɛdubɛe ma, e dugutɛgɛe bɛɛti bama nɛ sɛɛwɛ kui.»

¹⁷«Be n Dawuda sɛnbɛ rakelima nɛ, n naiyalanyi raminima nɛ n ma Mixi Sugandixi bɛ.

¹⁸N yaagi dusuma nɛ a yaxuie xun na, kɔnɔ n nɔrɛ dusuma a tan nan xun na.»