SALAMO 132:10-18

¹⁰Emu hesiai tauna David bagunai, vada o horoa tauna ena amo basio mede kerehai.

¹¹Iehova ese gwauhamata aukana David e henia, unu amo ia na basine lou. Eto: Natumu adorana ta emu terono ai baina hahelaia.

¹²Bema natumu ese egu taravatu bae badinaia, bona egu hahediba herevadia, baina hadibalaidia ḡaudia, idia natudia danu emu terono ai bae helai, ela bona hanaihanai.

¹³Badina be Iehova ese Siona e abia hidi; e ura henia, ena noho gabuna ai bainela.

¹⁴Eto: Egu laḡa-ani gabuna binai, ela bona hanaihanai; iniseni ai baina noho, badina be vada na ura heniamu.

¹⁵Ena roge baina hahonudia, ena ogoḡami taudia na adia baina henidia.

¹⁶Ena hahelaḡa taudia na hahemauri amo baina hadokilaidia, ena helaḡa taudia na bae hisi dae.

¹⁷Unuseni ai David ena doa ta baina havaraia; lamepa ta vada na abia heḡaeḡae, na horoa tauna ena.

¹⁸Ia inaina na hemarai amo baina hadokilaidia, a ia be ena havava ḡauna ese baine hadiaria.