Yabekbi 2:33-36

³³Piŋkop da man madep ɨmgut da iyɨ da amɨnsi tet do yɨkdak. Dat da Telagɨ Wup Monji do ɨbeŋ yaŋ kɨlɨ yaŋ teban tagɨt. Do Monji do ɨban uŋun da tagalban yo abɨsok noman tosok uŋun ji kaŋ nandaŋyo aŋ.

³⁴Dewit iyɨ Kwen Kokup dɨma wɨgɨgɨt mani yaŋ yagɨt: ‘Amɨn Tagɨ da nak dakon Amɨn Tagɨno yaŋ iyɨsak, Gak nak da amɨnsi tet do yɨgaki

³⁵uwalgo dakon tapmɨm pabɨŋ yopbo gak dakon pɨŋbisi egɨpni.’

³⁶Yaŋdo, Israel amɨn kabɨ ji yaŋsi nandani, Yesu uŋun ji da tɨlak kɨndapmon aŋakgwit, mani Piŋkop da uŋun amɨn yɨpban Amɨn Tagɨ ae Kristo egɨsak.”