Y Salmo Sija 9:4-20

⁴Sa jago fumatinas y jinasoco yan y causaco: unfatachong gui trono, ya unjusga y tinas.

⁵Guinin unlalatde y nasion sija, guinin unyulang y manaelaye, guinin unfunas y naanñija para siempre taejinecog.

⁶Esta malachae y enimigo; esta mayulang para siempre: yan y siuda ni y inyilang, y jinasoñija manachamalingo yan sija.

⁷Ya si Jeova sumaga calang ray para siempre, ya janalisto y tronuña para usentensia.

⁸Ya güiya jumusga y tano ni tininas, ujajusga y taotao sija yan y minagajet.

⁹Ya si Jeova locue y taquilo na tore para y manmachiguit, y taquilo na tore gui tiempon chinatsaga.

¹⁰Ya jaangoco sija guiya jago y tumungo y naanmo; sa jago, Jeova, ti unyute ayo y umaliligao jao.

¹¹Cantaye si Jeova ni y tinina ni sumasaga gui Sion: namatungo gui entalo taotao sija y checoña.

¹²Sa anae jacocobla y jâgâ jajaso sija: ya ti malefa ni inagang y mamoble.

¹³Gaease nu guajo, O Jeova; atan y pinitejo ni jususungonja y chumatlie yo, jago y munacajulo yo gui pettan finatae:

¹⁴Para jufamanue todo ni y tininamo gui trangcan y jagan Sion: ya umagof yo gui satbasionmo.

¹⁵Unnafanmafondo y nasion gui joyo ni y finatinasñija: ya y casiyas nae ni janaaatog, y patasñija esta mangodon.

¹⁶Si Jeova janamatungo güe ni y sentensia ni jafatinas; ya jalaso y taelaye ni y checho y canaena: Jinaso. Sila.

¹⁷Ufanmanalo guato y manaelaye gui sasalaguan: yan todo y taotao ni manmalefa as Yuus.

¹⁸Sa ti para siempre umamalefanñaejon y nesesitao: ni y ninanggan y mamoble ufanmalingo para siempre.

¹⁹Cajulo, O Jeova: chamo munamametgot y taotao: ya ufanmajusga y nasion gui menamo.

²⁰Polo, O Jeova, y minaañao guiya sija: polo ya utungo y nasion na sija taotaoja.