Y Salmo Sija 85:3-9

³Guinin unnajanao todo y binibumo: ya unbirajao talo guinin y finijom y binibumo.

⁴Birajam, O Yuus, gui satbasionmame, yan nabasta y binibumo guiya jame.

⁵Ada unlalalaloja nu jame para taejinecog? Ada unnajujuyong y linâlâlomo para todo y generasion?

⁶Ada ti unnalâlâjam talo: para y taotaomo ufanmagof ni jago?

⁷Fanuejam ni y minaasemo, O Jeova, ya unnaejam ni y satbasionmo.

⁸Guajo jujungog jafa usangan si Yuus Jeova: sa güiya usangan y pas gui taotaoña, yan y mañantos sija: lao chañija natalo guato gui binaba.

⁹Magajet na y satbasionña esta jijot güije sija ni manmaañao nu güiya: para y minalag usaga gui tanomame.