Y Salmo Sija 77:6-20

⁶Jujajaso y cantaco gui puenge: jujajaso ni y corasonjo; ya y espiritujo guine guefaligao?

⁷Ada uyute y Señot para taejinecog? ya ti utalo y finaboresiña?

⁸Cao y minaaseña usenjanaoja para taejinecog? ya y promesaña ufanlingo para taejinecog?

⁹Ya malefa si Yuus na uyóase? ya pot y linalaloña na jajuchom y güinaeyaña? Sila.

¹⁰Ya guajo ileco: Este y dinafejo: lao bae jujaso y sacan sija gui agapa na canae y Gueftaquilo.

¹¹Bae jusangan y checho Jeova: sa bae jujaso y ninamanmanmo gui ampmam na tiempo.

¹²Bae jujaso locue todo y chechomo, yan jusangan sumanjalomjo y finatinasmo.

¹³Y chalanmo, O Yuus, gague gui sinantos na sagayan: jaye dangculo na yuus calang y Yuusta?

¹⁴Jago y Yuus ni y fumatinas y mannamanman: jago munamatungo y minetgotmo gui taotao sija.

¹⁵Jago yan y canaemo munafanlibre y taotaomo; ni y famaguon Jacob yan José. Sila.

¹⁶Y janom malie jao, O Yuus, y janom malie jao, ya sija ninafanmaañao: ya y tinadong locue ninafanmayengyong.

¹⁷Y mapagajes sija manmañuñuda janom: ya y langet mannae y inagang: ya y flechamo locue manjanao juyong.

¹⁸Ya y palampan y jilumo estaba gui remolino; ya y lamlam maniiina gui tano: ya y tano manmayengyong yan manlalaolao.

¹⁹Y chalanmo gui tase, ya y finaposmo gui mandangculo na janom, ya y guinachamo ti matungo.

²⁰Jago umesgaejon y taotaomo taegüije y manadang quinilo pot y canae Moises yan Aaron.