Y Salmo Sija 63:2-9

²Taegüije juatan jao gui templo para julie y ninasiñamo yan y minlagmo.

³Sa y mauleg güinaeyamo maulegña qui y linâlâ; y labiosso ualabajao.

⁴Taegüine jubendise jao gui linâlâjo; ya jujatsa julo y canaejo ni y naanmo.

⁵Y antijo ujaspog taegüije y ujaspog ni y titanos an montica; ya y pachotjo ualabajao yan y minagof y labiosso.

⁶Yanguin jujaso jao gui jilo camajo; ya y jinasoco nu jago gui ora nae bumebelayo an puenge.

⁷Sa jago guinin umayudayo; enaomina y anineng y papamo nae jumagof.

⁸Y antijo dangculo na tinatitiye jao: y agapa na canaemo mumantieteneyo.

⁹Lao ayo sija y umaliligao y antijo, para umayulang, sija ufanjanao para y mas tadong na joyo gui tano.