Y Salmo Sija 56:3-13

³Jafaja na tiempo nae maañaoyo, juangocojayo guiya jago.

⁴Gui as Yuus jualaba y finoña; gui as Yuus nae jagasja jupolo y inangococo, ti maañaoyo; jafa ufatinas y catne guiya guajo?

⁵Todot dia mabira y sinanganjo; sa todo y jinasoñija contra guajo para tinaelaye.

⁶Mandaña ya manatog maesasija; ya magueguesatituye y pinecatjo, anae jagas mananangga sija y antijo.

⁷Ufanescapa nu y tinaelaye? gui binibo nae unyute papa y taotao sija, O Yuus.

⁸Jago sumangan y jinanaojo; polo gui jalom boteyamo y lagojo: manaegüe sija gui leblomo?

⁹Ayo nae, ujabira sija tate y enemigujo y jaane nae juagangjao; este jutungo, na si Yuus para guajo.

¹⁰Gui as Yuus jualaba y finoña: gui as Jeova jualaba y finona.

¹¹Gui as Yuus nae jagasja jupolo y inangococo; ya siempre ti jumaañao; jafa y taotao ufatinas guiya guajo?

¹²Y promesamo gaegue guiya guajo, O Yuus: ya juapasejao siempre ni y inefresen grasias.

¹³Sa jagasja unnalibre y antijo gui finatae; ti siempre unnalibre y adengjo an podong? para jufamocat gui menan Yuus gui candet y manlálâlâ.