Y Salmo Sija 35:9-14

⁹Ya umagof y antijo gui as Jeova: ya umagof gui satbasionña.

¹⁰Todo y telangjo y ilegñija: Jeova, jaye parejumo? ni unalibre y mamoble gui mas manmetgot qui güiya: magajet na y mamoble yan y mannesesitao, guinin y jachulelejguan?

¹¹Mangajulo testigon mandague: ya jafaesenyo ni y ti jutungo.

¹²Manaeyo ni taelaye pot y mauleg, ya manataelaye y antijo.

¹³Lao guajo anae manmalango sija, magagojo y luto: junatriste y antijo yan umayunat: y tinaetaejo tumalo jalom gui pechoco.

¹⁴Mamomocat yo ya ileleco: Güiya buente y gachongjo, pat y chelujo: ya tumecon yo triste calang uno ni y umuugung pot si nanaña.