9Go ŋoc ŋalêlôm êtu samuc Apômtau ma êôc eŋ sa gebe gêjam aê kêsi.
10Aê oc jasôm toŋoc ŋalêlôm samucgeŋ gebe “Apômtau, asa oc êtôm aôm, taŋ kôjaŋgo ŋac gêŋgôŋ jageoŋa su aŋga ŋaclainê to kôjaŋgo ŋalêlôm sawa, taŋ gêôc gêŋwapac naŋ, su aŋga ŋac, taŋ kêkôniŋ eŋ tôŋ naŋ.”
11Imbeleŋ dansaŋ sêsa gebe mêŋsenseŋ aê, têtu kênac gêŋ, taŋ gajam kauc ŋam naŋ, gêdêŋ aê.
12Aê kamoasiŋ êsêac, mago sêkêŋ sec gêjô ŋajam e aê katuc gêbac su.
13Mago gêdêŋ taŋ gêmac kêtap êsêac sa naŋ, aê kasô talu kêtu ŋoc ŋakwê. Aê gajam dabuŋ mo ma kateŋ ŋoc mec gasaŋ-laŋôcanô auc.
14Gagôm tauc amboac gagôm kêtu ŋoc ŋac me lasic teŋŋa. Gaŋgôŋ kapô gaducgeŋ katôm ŋac teŋ ŋalêlôm ŋawapac kêtu tênaŋa.