Y Salmo Sija 33:13-22

¹³Desde y langet jaatan si Jeova: jalilie todos y famaguon Adam.

¹⁴Desde y sagaña na lugat jaatan; jaatitutuye todo y mañasaga gui jilo y tano.

¹⁵Güiya fumatinas y corasonñija todos: yan jaatitutuye todo y chechoñija.

¹⁶Y ray ti umalibre pot y dangculon inetnon sendaloña: y matatnga na taotao ti umasatba pot y dangculon minetgotña.

¹⁷Y cabayo taebale para useguro: sa güiya ti unalibre ni uno nu y dangculon jinilatña.

¹⁸Estagüeja, y atadog Jeova gui jilo y manmaañagüe güe: gui jiloñija y numanangga y minaaseña.

¹⁹Para unalibre gui finatae y antiñija: ya para unae linâlâ gui ñinalang.

²⁰Y antita jagas jananangga si Jeova: y ayudata yan y patangta güiya.

²¹Pot güiya manmagof y corasonta, sa y sinantos naanña nae jagas taangocojit.

²²Polo y minaasemo, O Jeova, ugaegue guiya jame, según ninangganmamame guiya jago.