Y Checho Y Apostoles Sija 14:23-28

²³Ya anae munjayan jatancho y manamco gui cada guimayuus, yan manaetae, yan umayunat, yan jatayuyute sija gui as Yuus ni manmanjonggue.

²⁴Ya manmalofan y inanaco Pisidia, ya manmato Pamfilia.

²⁵Ya anae munjayan mapredica y sinangan guiya Petga, manunog guiya Atalia;

²⁶Ya desde ayo mangagama asta Antioquia, anae manmanae ni y grasian Yuus, para y checho ni y mafatinas.

²⁷Ya anae manmato ya mandaña iglesia gui guimayuus, masangan todo sija y finatinas Yuus pot sija; yan jaftaemano jababaye y Gentiles ni y pettan y jinenggue.

²⁸Ya mañaga güije yan y disipulo sija, apmam na tiempo.