Text copied!
CopyCompare
KALEIWAG KWEIVAW - Wotet - Wotet 13

Wotet 13:34-42

Help us?
Click on verse(s) to share them!
34“Igawa wakanig nises bo ikit; nag bikanig vayuwein, nag. Won nag beipwas, nag. Liva̱nen nises, Yowbad anilivan mamagina: ‘Gunasiwa̱youb waseg Deibid, tage igaw mo basekeim yak.’
35“E, livan nises kweitan Sam waseg, mamagina, ‘Mugwamag towen kukwayus, nag bukutam won beipwas, nag.’
36“Deibid inatut ven watinow waseg, bo ikokew Yowbad nakaleiwag; mo ikanig, inekes timen, won tonen bo ipwas.
37“Tage Yeisuw won nag ipwas, peinan Yowbad bo iyakit vayuwein.
38“O sigwey yakamiy, kunages amalivan, kadiloka kukwakins towen anmwa̱net biwid adsinaps kalbaleb. Adsinapsa babaw, Moses nakaleiwag waseg na-ikadilok biwid; tage kukin bitasimounids waseg Yeisuw, mo biwid adsinaps kalbaleb, babaw-wan; Yowbad mo binumlev, beikous.
40“Palopit kweiboug-o anilivan mamagina: ‘Tayyagays yakamiy, kukines gunawotet, beisom ninoumiy, mo bukumta̱mats. Peinan mitut waseg gunawotet bawtel; gamag mwasanin bikatimlakeimiy gunawotet towen, tage nag bukusimounids; nag.’ E, palopit anilivan mamagin. Kadiloka kuvna̱seimiy, mata ge tut wanakougwaw livan towen bikwaneimiy.”
42Pawl nageiguy ikous, isaps wamnat, gamag babaw mo initougs wasigeis, sivines kwayuwein Sa̱dad mo bisekes livan towen.

Read Wotet 13Wotet 13
Compare Wotet 13:34-42Wotet 13:34-42