Afasoro 13:34-42

³⁴Foruma eno weike nono wei, Godima Yesu ma uyarike eno wei, Danu ofe da yaufekua weia wei. Foruma eno weike nono wei, i Samusi bukaro i wake eno ibinua wei, Abake we ma irauaiai umauanea Deiwidibairo eno we bou ueba ibake Abairo enaenari umaua Godima eno wei.

³⁵I Samusi bukaro yewa moi wake eno ibinu, Ama wei ibake Anu iifa Amaranu ofe da yaufekua, I wake i Samusi bukaro eno ibinua Foruma eno wei.

³⁶Foruma eno weike nono wei, yewa wakeye Deiwidinu wake me, yewa wei wakeye Yesunu wei wake. Ibake Deiwidima Godinu waiya danu oroubairo uike fearia wei. Feariro danu sisia sirorari oroubairo ane ooru uisaro danu ofe yauria wei.

³⁷Eno weike nono wei, adinaro Godima ma uyari Minu ofeye yaure da uia wei.

³⁸Nanu wake nauawe, i Mi mane yanu merama merama ukeka ma isufekua wei. Ibake aina ainama Dawa imukaisaie Dawa mane emenu merama merama ukaisa ibai ma isurakuro Godima emuae irau oroua eno weakua wei. Eno weike nono wei, Mosesinu darawaduma merama ma isure dakakua wei.

⁴⁰Eno weike wei, eforo, i Godinu wake we bou ukeibisa orounu wake yabairo fafekuba me ari? Emenu weisa wakeye eno weisa, Ya Godibairo merama wake weaisa orou eno imufoisake feafoisa. Nanu unu koreka waiya yabairo ukakuneroma nono moi mima Nanu ukakune i waiya we ma boroo yafiakuroma nono ya iwoka da ufoisa, i we bou ukeka orouma eno weisaya wei.

⁴²Foruma danu wake eno weiro dawaini Banabasini emuama aweawero anisi. Anisiro i orouma eno weisa, yeka moi sabadi odoro nono yanu wake weawaro iya naufe weisa.