Abosel 13:34-42

³⁴Gode Yesuse dofaanea hananebuo e imino mo kaaneta klaanemebabe. O weng sango Gode weng omkeimalin nakae Gode buk temo dolanea enangge baanea Gode baanea Ne Debite baabania Ne daabkenia bobol tem funin ayam omklamabibo genibuo memalo inamin namin olo ne kobo omklamabibo ge baanebiobo ge baanea dolanebuo weng olo Yesuse weng sangobe.

³⁵O inanoa weng mak osa baanoa Keb Dofakamin Nakae kaanea klaanameo misiam kesoa kobo imin dofaaneba hananeko genobiobe.

³⁶Nibo tekein kebuobe, sinanggwano Debite mo kaaim blim bie dimo e Gode okoko okok kebinea kaanea e meletani debeb moniba e faninwali dolbueibbuei kikib ye dobbuniba klaanebu otane

³⁷naka mak ele e damo mo klaaim blimobe. Gode dofaanea imin hananebiobe.

³⁸E inanebio kesoa ne nekwal ibo kla wentine! Yesuse ib hengmino omtlabenebuo weng ota ne baabeiobe. Nakaia unangai alukum Yesuse bainobo geib mole e i hengmino omtlabenamabebe. Mosese hekmel wengo titil blim kesoa o ib hengmino mo omtlabeim blimobe.

⁴⁰Sinanggwano Gode wengo omkeimalin nakai Gode buk temo dolaibbuo baanoa Ne wengo tlawe bianiba mo bainobo geim blim ibo kla funaine! Ibo kaanomabiobe. Niminbabe, ibo sma dabalim ele bliba ne inamin namin okoko sumo klaia naka make okok olo weng sango baabene otane ibo mo bainobo genomabibbabo ge baanebiobo ge baaniba dolaibbio kesoa ibo kla wentine! Ibo Gode wengo tlawe biniba kaaibbuei ulabo mo nimibe ge baabesebe.

⁴²Fole inangge baabenea Banabase i dabo Gode amo deiboniba unom genamsiba nakaia unangai baabeniba Gode singkalin amo make dim ele imin tenibta weng olo imin alebeine ge baabeiba