Womu Duro 5:5-15

⁵Nɑ seewɑ n kɑ nùn kɛniɑ. Turɑre ye bɑ mɔ̀ miru yɑ dɑ̃ɑkumɔ nɛn nɔmɑn di gɑmbon nɛnutiɑ sɔɔ.

⁶Nɑ nɛn kĩnɑsi kɛniɑ, ɑdɑmɑ nɑ deemɑ u doonɑ. Nɛn bwɛ̃rɑ rɑɑ wurɑ win mi, sɑnɑm mɛ nɑ win nɔɔ nuɑ. Nɑ nùn kɑsu kɑsu, nɑ ǹ nùn wɑ. Nɑ nùn sokɑ, u ǹ wure.

⁷Wuu gen kɔ̃sobu bɑ kɑ mɑn yinnɑ. Bɑ mɑn so bɑ mɛɛrɑ kuɑ. Be bɑ gbɑ̃rɑru kɔ̃su, bɑ nɛn sɔnditiɑ mwɑ.

⁸Bɛɛ Yerusɑlɛmun wɔndiɑbɑ, nɑ bɛɛ kɑnɑmɔ, ì n nɛn kĩnɑsi wɑ, i nùn sɔ̃ɔwɔ win kĩrɑ mɑn bɑrɔ kuɑ.

⁹wunɛ wi ɑ kurɔbu kpuro burɑm kere, mbɑ wunɛn kĩnɑsi wi, u mɔ ye goo kun mɔ ɑ kɑ sun sɔ̃ɔmɔ mɛ.

¹⁰nɛn kĩnɑsi, tɔn swɑ̃ɔwɑ, win wuswɑɑ bɑllimɔ. Tɔmbu nɔrɔbun subɑ wɔkuru (10.000) sɔɔ, wiyɑ kɑɑ wɑɑbu gbi.

¹¹Win wuswɑɑ yɑ bɑllimɔ nge wurɑ geɑ. Win seri yi tĩriwɑ nge gunɔ mɔrɑn sɑnsu.

¹²Win nɔni yi sɑ̃ɑwɑ nge wɑɑ bɑkɑgii ye yɑ wɑ̃ɑ dɑɑrɔ. Win nɔni kpiki yi sɑ̃ɑwɑ nge bom bekum. Nɔni yi, yi kɑ kpee gobiginu weenɛ ni bɑ doke tɑɑbu sɔɔ.

¹³Win bɑɑnu nu wɑ̃wɑ nge turɑre bii yi yi kpiibu wee. Win nɔɔ gɑ sɑ̃ɑwɑ nge biibii yèn min di turɑre yɑ dɑ̃ɑkumɔ.

¹⁴Win nɔmɑ yɑ kɑ wurɑn sumɑ weenɛ ye bɑ kpee gobiginu dokeɑ. Win wɑsi yi wɔru nge suunu don te bɑ wɔriɑsiɑ bɑ burɑru koosi kɑ kpee burɑnu ni nu nɔni boogu mɔ.

¹⁵Win kɔ̃ri yi sɑ̃ɑwɑ nge gbere yiru ye bɑ kuɑ kɑ kpee kpikiru. Mɑ bɑ ye girɑ wurɑ geɑn wɔllɔ. À n nùn mɛɛrɑ, u sɑ̃ɑwɑ nge Libɑnin dɑ̃ɑ ni bɑ mɔ̀ sɛduru.